Ndeshja Juventus – Milan e planifikuar për në 28 majin e ardhshëm do të jetë ndoshta vendimtare për kualifikimin në Champions League. Por ndeshja e madhe e kampionatit italian mund të mos ketë audiencën që meriton, për shkak të protestave të tifozëve të Milan.
Juventus ka nisur shitjen e biletave për supersfidën e 28 majit ndaj Milan. Ndeshja luhet në Allianz Stadium të Torinos dhe ka ende shumë ditë deri në përplasjen e madhe. Por rreth ndeshjes tashmë ka polemika, që këtë herë nuk kanë të bëjnë me klubet por me tifozët. Në fakt, tifozët e organizuar të kuqezinjve kanë vendosur të mos marrin pjesë në këtë transfertë për shkak të biletave të shtrenjta. Sektori i miqve do të shitet për shumën e pabesueshme prej 80 euro. Një çmim i konsideruar tepër i lartë sidomos për ata që duan të ndjekin skuadrën e tyre me familjen. Kjo është arsyeja pse kuqezinjtë nuk do të kenë mbështetjen e sektorit të nxehtë të tifozëve. Një mungesë në ndeshjen direkte për një vend në Champions.
Lexo më tej: Video/ Juventus pushton Gewiss stadium: me Iling e Vlahovic bardhezinjtë fluturojnë në vendin e dytë
KOMUNIKATA E TIFOZËRISË KUQEZI
Curva Sud Milano dhe Shoqata e Milan Club kanë lëshuar një deklaratë për shtyp duke shpjeguar arsyet që do t'i shtyjnë ata të mos e ndjekin skuadrën në ndeshjen jashtë fushe në Torino më 28 maj. “Ndeshje vendimtare për fatin e kampionatit tonë. Megjithatë, me keqardhje të madhe, Curva Sud Milano dhe Aimc do të braktisin ndeshjen jashtë fushe. E do të ftojnë të gjithë tifozët kuqezi të bëjnë të njëjtën gjë. Zgjedhja diktohet nga çmimi i çmendur i zgjedhur nga Juventus dhe nga modalitetet e shitjeve të sektorit të jashtëm. Është urgjente vendosja e një tavani maksimal për çmimin e biletave të sektorit të miqve dhe jo vetëm”.
