Borussia Dortmund e Edin Terzic po përgatitet të përballet me Chelsea, në kthimin e 1/8 të Champions League. Në ndeshjen në Stamford Bridge, verdhezinjtë janë thirrur në cështje të mbrojnë fitoren 1-0 në shtëpi: “Pas ndeshjes duam të gjejmë veten mes tetë skuadrave më të mira në "Evropë - ishte britma e betejës së trajnerit në konferencën për shtyp -. Kjo nuk ka lidhje me mua, por me ekipin. Do të jetë një ndeshje jashtëzakonisht e rëndësishme për të gjithë klubin".
Më pas Terzic foli për disa individë në skuadër: "Haller po bën shumë mirë për momentin. Le të shpresojmë që momenti i formës së tij të shpërblehet me një gol. Reus është një lojtar jashtëzakonisht i rëndësishëm për ne. E ai duhet të merret gjithmonë në konsideratë për formacionin. Sidoqoftë ju të gjithë e dini se ai ka pasur disa dëmtime të lehta në muajt e fundit. Bellingham? Të gjithë e dinë potencialin e tij. Kur mbërriti këtu, kishte shansin të luante në Premier League, por ai zgjodhi Dortmundin. Ai na ndihmon ne dhe ne ndihmojmë atë. Jemi të lumtur që e kemi këtu. Ai është një lojtar që mund të na udhëheqë dhe presim një paraqitje të shkëlqyer nga ai këtë ndeshje".
Më pas diskutimi kaloi te dëmtimi i Gregor Kobel. Ai e nisi sezonin si titullar, por mbeti në pankinë në ndeshjen e fundit të Bundesligës kundër Leipzig: "Gregor iu nënshtrua trajtimit në Dortmund në dy ditët e fundit dhe po ndihej më mirë. Do të punojmë me të dhe do të vendosim para ndeshjes nëse mund të jetë gati”.
