“Situata të tilla janë të pranishme. Ne nuk duam që lojë efektive të ketë shumë pak. Nuk e di se çfarë masash duhen marrë. Kjo është një situatë që ndodh shpejt". Orges Shehi ka mbetur i pakënaqur nga skuadra dhe pengesat e lojës në një derbi të ndezur me Partizanin. Bardheblutë janë mundur 2-0 dhe janë arritur nga të kuqtë në krye të renditjes. Por në të dy episodet tekniku nuk mendon se është merita e kundërshtarit, por gabime të të tijve: "Mendoj se kemi marrë dy gola të evitueshëm. Edhe te penalltia, në tranzicion humbëm topin. Edhe goli tjetër është një aksident që mund t’i ndodhë të gjithëve. Kërkonim të bënim më mirë. U munduam 2-3 herë edhe në pjesë të parë edhe në pjesë të dytë. Dolëm në një rast me Regin. Mendoj se derbi s’ka shumë situata. Kush i zgjidh këto del fitimtar".
Shehi e ka të qartë situatën që vërtitet në kampin bardheblu. Gjërat nuk kanë qenë të qeta më parë e nuk do të jenë as tani. E megjithatë, tekniku felt pa doreza: "Ne jemi nën presion. Duke mos pasur dy pyka të mirëfillta nuk e krijojmë dot lojën nga ajri. Janë disa episode që duhet t’i zgjidhnim më mirë. Kërkojmë që të jemi gjithmonë në kontakt me topin. Bëhet e vështirë për të marrë vendime", pohoi tekniku bardheblu.
Lexo më tej: Video/ Penallti e humbur, gol i anulluar, ndërhyrje VAR e spektakël: Mba e Cara veshin Tiranën të kuqe
KUR PËSON NË DERBI...
Në fund edhe një mendim mbi gabimet që sollën golin e parë të Partizanit e si rrjedhojë humbjen: "Dihet si shkon derbi kur pëson gol. Na ndëshkoi me këtë episod. Pastaj kërkuam që të ndryshojmë. E bëmë edhe me 4-2-3-1. Ishin disa momente që ishim mirë. Situatat janë të pakta në derbi. Sot Partizanin nuk e mbaj mend sa herë ka ardhur në portë, por i shfrytëzoi dhe doli fitimtar”, u shpreh Orges Shehi pas ndeshjes.
