Napoli humbi në kampionat, por Aurelio De Laurentiis nuk e bën dramë. Kryesues të padiskutueshëm të kampionatit, skuadra e Spallettit u rrëzua brenda mureve miqësore ndaj Lazio të ish-teknikut Maurizio Sarri. Një humbje që e kthen diferencën nga vendi i dytë në 15 pikë. Pronari napolitan nënvizoi se është një "disfatë e shëndetshme, përndryshe rrezikojmë të ulemi". Nuk mungoi pastaj thumbimi për ish-mikun Sarri: "Luajti si oportunist".
De Laurentiis mbajti një fjalim në Departamentin e Drejtësisë të Universitetit Luigi Vanvitelli, për takimin mbi 'Rregulloren e lojës së futbollit mes teorisë dhe praktikës'. Ai, në fakt, kritikoi lojën e zhvilluar nga Sarri: "Në vend që të luante lartë, ai vendosi të bllokonte dy mbrojtësit e krahut. Kvaratskhelia i bëri m*tin duke e prekur për Vecino e ai shënoi".
Lexo më tej: “Nëse adhuron bjondet, nuk është se ta shpifin brunet”, Sarri i habit të gjithë pas triumfit në Napoli
Për objektivat e sezonit të Napolit, ai shpjegoi: "Champions apo titull? Shpresoj të dyja, por le ta themi në heshtje, sepse sjellim fat të keq vetë. Mendoni se nëse nuk do të isha një tifoz i Napolit do të kisha qëndruar këtu për 19 vjet? Unë jam një tifoz i qytetit të Napolit, jo vetëm i Napolit. Në shumë aspekte unë ende luftoj për të favorizuar imazhin e Napolit në të gjithë botën. Duke e dalluar nga qytetet e tjera të bukura të Italisë”. Një shigjetim edhe për disa klube: “E vërteta është se shumica e klubeve i kanë llogaritë në të kuqe. E vazhdojnë të marrin pjesë në kampionate sikur të mos kishte ndodhur asgjë”.
