El Clasico e tretë e sezonit shkoi për Barcelonën, që kalon në avantazh në gjysmëfinalet e Kupës së Mbretit. Blaugrana triumfojnë 1-0 në Bernabeu në ndeshjen e parë mes dy gjigantëve spanjolle. Protagonist ishte Franck Kessie, që shkaktoi autogolin vendimtar të Militao (25'). Mesfushori ivorian gati dyfishoi në pjesën e dytë. Real Madrid, pas një pjese të parë të shkëlqyer, u mundua të bëhej i rrezikshëm në të dytën. Aktivizimet e Rodrygo dhe Álvaro Rodríguez nuk mjaftuan për të shmangur humbjen.
Përfundoi 1-0 për Blaugranat, të cilët anuluan Benzema dhe morën maksimumin falë autogolit të Militao. Vizitorët rrezikuan shumë pas vetëm njëzet e pesë sekondave, kur Modric u fut në prapavijën e Barçës dhe goditi pjesën e jashtme të rrjetës. Presioni i madh i Real Madrid çoi në golin e Benzema (12'). Por flamuri i asistentit e anuloi për pozicion jashtë loje. Blaugranat ishin në krizë dhe Madrid dominoi, por pa gjetur finalizimin.
Në fakt, Barcelona nuk doli gati kurrë nga guacka e saj dhe vuajti jashtëzakonisht shumë në mbrojtje. Kjo deri në episodin që ndryshoi lojën. Në minutën e 25', në fakt, në aksionin e parë sulmues të vërtetë, ekipi mik mori avantazhin. Ferrán Torres përfitoi nga gabimi i Camavinga dhe shërbeu për Kessie. Mesfushori goditi në portë dhe e ndali Courtois, por topi u përplas te Militao e përfundoi në rrjetë. Një autogol që fillimisht u anulua, për t'u vlerësuan pastaj nga VAR. Nuk kishte pozicion jashtë loje të ish-milanistit.
AUTOGOLI NDRYSHOI RRJEDHËN E LOJËS
Real Madridi reagoi, por Araujo bllokoi vazhdimisht Vinicius Junior dhe Barça madje iu afrua golit të dytë në kundërsulm. Gavi megjithatë humbi objektivin dhe skuadrat shkuan në pushim 1-0. Në pjesën e dytë, merengues shtynë përpara, duke futur Rodrygo. Por rasti më i mirë ishte i Barcelonës. Kessie goditi i sigurt në minutën e 71' por topi gjeti Ansu Fati, që shmangu efektivisht dyfishimin e ekipit të tij.
Në fund Ancelotti shtoi sulmuesit e tij edhe me të riun Álvaro Rodríguez, por Real Madridi nuk gjeti barazimin. Rasti më i mirë erdhi në minutën e 90', me goditjen e Rodrygo në hyrje të zonës, që shkoi jashtë. Barcelona fitoi 1-0, duke kaluar në avantazh në gjysmëfinalet e Kupës së Mbretit, pavarësisht mungesave të Pedri, Dembele dhe Lewandowski. Ndeshja e kthimit do të luhet më 5 prill në Camp Nou.
