La Liga ka përfunduar në shënjestër të Cadiz. Klubi andaluzian u dëmtua në barazimin 1-1 ndaj Elche në javën e 17 të kampionatit. Tani Cadiz ka kërkuar ndërhyrjen e CAS në Lozanë për të siguruar pezullimin e kampionatit. Më 16 janar, Cadiz pësoi golin e barazimit 1-1 nga Elche me një aksion të nisur nga një pozicion i dukshëm jashtë loje. As arbitrat në fushë e as VAR nuk e kuptuan se goli ishte i pavlefshëm. Një vendim që e kishte bërë Cadiz të apelonte që në orët në vijim të sfidës.
Comité de Competicion, organi i ngarkuar për studimin dhe zgjidhjen e problemeve gjatë ndeshjes, iu përgjigj negativisht kërkesës për të riluajtur nëntë minutat e fundit të ndeshjes. Ata u deklaruar "të paaftë për këtë çështje" dhe duke i lënë gjërat ashtu siç vendosi fusha, me gabimin skandaloz.
Lexo më tej: Video/ Dy gola në dy minuta, Barcelona thyen Cadiz: dy gola të anuluar e dy shtylla për miqtë e pafat
Një përgjigje që nuk e kënaqi Cadiz, që vendosi të vazhdojë betejën e tij. Klubi andaluzian kërkon të ngrijë barazimin 1-1 ndaj Elche dhe të riluajë nëntë minutat e fundit të ndeshjes. Gjithçka, duke nisur nga avantazhi 1-0. Në këtë mënyrë do të anulohej goli i Ponce që u shënua në pozicion jashtë loje.
