Udinese dhe më pas Porto: nga kampionati reagimi për t'u paraqitur në më të mirën e tyre në Champions League. Ky është receta që duan në shtëpinë e Inter. Ndeshja jashtë fushe në Marassi, në mënyrë të pashmangshme la edhe disa mbetje. Më shumë se çdo gjë tjetër, keqardhje dhe zhgënjim. Dy pikë të lëna rrugës, të cilat, në optikën e vendit të dytë, do të kishin qenë shumë të dobishme. Shumë mundësi, aktuale dhe potenciale, të pashfrytëzuara. Një nervozizëm evident në grindjen mes Lukaku dhe Barella. E së fundmi, por jo më pak e rëndësishme, zgjedhjet teknike të Inzaghi që nuk i bindën plotësisht drejtuesit e klubit. Për t'i shtuar material vlen edhe pozicioni i marrë nga Curva Nord, që kritikoi në mënyrë eksplicite Inzaghi. Çështje që do të jenë objekt diskutimi mes drejtuesve dhe trajnerit zikaltër. Takimi, si rregull, zhvillohet 48 orë pas ndeshjes së fundit të luajtur.
Inzaghi nuk është nën vëzhgim. Megjithatë, duke pasur parasysh rëndësinë e kualifikimit në Champions League, kërkesa që i vjen nga Zhang te Marotta është e qartë. Duhet vazhdimësi, vendosmëri, mjaft me rënie tensioni. Barazimi ndaj Sampdoria është rezultat i një qëndrimi që për drejtuesit zikaltër është në bazë të kësaj rruge të luhatshme në kampionat. Nga Inzaghi pritet pak më shumë prirje për rrezik dhe zgjedhje më pak “shkollore”. Të paktën kur ndeshja dhe kundërshtari e lejojnë.
Lexo më tej: Video/ Barella e kritikon me gjeste, Lukaku tërbohet: “Mos guxo, qepe gojën”
GJOBA PËR BARELLA E LUKAKU
Të kuptohemi, jo kundër Portos. Por ndaj Sampdorias duhej bërë diçka më shumë dhe ndryshe. Nga ana tjetër, në referencë me përplasjen Lukaku-Barella, skuadrës i kërkohet një sjellje ndryshe në fushë. Grindja mes të dyve është çështje e mbyllur. Madje episode të tilla ndodhin brenda dhomës së zhveshjes së çdo skuadre. Por pikërisht aty klubi dëshiron që të qëndrojnë të mbyllura, duke shmangur skenat flagrante nën syrin e kamerave. Për çështjen, nuk përjashtohet, megjithatë, që klubi të vendosë një gjobë për të dy. Një akt me një kuptim të qartë simbolik për të gjithë ekipin.
