Christian Atsu është ende mes të zhdukurve pas tërmetit që shkatërroi Turqinë. Ish-mesfushori i Newcastle, që tani luan te Hatayspor, nuk është gjetur ende, siç konfirmoi menaxherja e tij Nana Sechere: "Nuk kemi qenë në gjendje ta lokalizojmë ende". Në orët e para pas katastrofës, federata ganeze kishte postuar në Tëitter për shpëtimin e lojtarit. Por lajmi nuk u konfirmua kurrë dhe menaxherja e lojtarit ndodhet në Hatay për të ndihmuar me kërkimet.
"Kanë kaluar disa ditë nga tërmeti dhe nuk e kemi gjetur ende Christian. Unë jam në vendin e tërmetit në Hatay me familjen e tij. Skenat janë të paimagjinueshme - thuhet në deklaratën e transmetuar në Sky Neës -. Dimë se ku ishte Atsu dhe gjetëm dy palë këpucë të tij. Sipas pamjeve termike nën rrënoja kishte shenja jete tek pesë persona, por konfirmimi i vetëm është me sy, dëgjim dhe zhurma. Për momentin ende nuk e kemi lokalizuar Christian”.
Lexo më tej: Atsu u deklarua i shpëtuar, klubi e përgënjeshtron: ngatërruan person, lojtari është ende nën rrënoja
Koha kalon dhe për Atsu, si për shumë njerëz të tjerë viktima të fatkeqësisë pas tërmetit në Turqi, shpresat për një fund të lumtur pakësohen. Megjithatë, menaxherja nuk dëshiron të dorëzohet dhe kërkon ndihmë: "I jemi mirënjohës të gjithë atyre që janë në terren për përpjekjet që po bëjnë. Por nevojiten urgjentisht më shumë burime. Gjërat po ecin ngadalë dhe shpëtimi vonohet, kështu humbasin jetë. Më vjen keq që Hatayspor nuk është në fushë me ne në kërkim të Atsu. Do të ishte jashtëzakonisht e dobishme".
