Prokurori federal i FIGC ka hapur një hetim për praninë e Luciano Moggi në anë të fushës gjatë ndeshjes së të rinjve mes Napolit dhe Juventus në Cercola më 14 janar. Hetimi u hap menjëherë pasi episodi u bë i ditur publikisht. Të mërkurën u dëgjua Gianluca Pessotto, koordinator i stafit teknik të Juventus. Ish-mbrojtësi siç dëshmohet nga pamjet e asaj dite në fushën e Cercola, ka kaluar një kohë të gjatë në shoqërinë e Luciano Moggi.
Prokuroria federale e drejtuar nga Chiné tani po heton për të verifikuar nëse është kryer ndonjë shkelje. E gjithë tymnaja është ngritur nëse duhej lejuar hyrja në fushë e ish-drejtorit të përgjithshëm të Juventus dhe ish-drejtuesit të mëparshëm napolitan. Luciano Moggi është i përjashtuar për ngjarjet famëkeqe të Calciopoli.
Lexo më tej: Moggi në CDA e Juventus, i dhuron Agnelli Usb me file: “Duhet rihapur Calciopoli”
Calciopoli gjithnjë nuk është konsideruar i drejtë nga Luciano Moggi. Ish-drejtori i përgjithshëm bardhezi e ka etiketuar “barcaletën e Italisë”. Ai vetëm pak javë më parë ishte në mbledhjen e bordit të drejtorëve të Juventus, ku mbajti një fjalim. Moggi madje dorëzoi edhe USB me prova, sipas tij, që mund të hidhnin dritë mbi skandalin e atëhershëm.
