Pavarësisht deklaratave optimiste nga menaxheri i tij, rinovimi mes Leao dhe Milan është larg. Kontrata e portugezit skadon në vitin 2024, por janë dy pengesa kryesore për tu kapërcyer. E para ulja e klauzolës së lirimit, e barabartë me 150 milionë euro. E dyta, pagesa e gjobës 18 milionë euro për Sporting Lisbona, me të cilën sulmuesi u dënua bashkë me Lille. Pikërisht në këtë aspekt të dytë, siç raporton ‘La Stampa’, ka ndërhyrë Chelsea. Mbretëresha e merkatos së dimrit me 326 milionë të investuara, ka dhënë garanci specifike.
"Shumë lajme të rreme për të, ai dëshiron të qëndrojë te kuqezinjtë". Garanci e dhënë si nga stafi i lojtarit ashtu edhe nga klubi kuqezi: "Negociatat me Rafael Leao nuk janë ndërprerë. Rrëfimi gazetaresk i një ngrirje të supozuar mes palëve është krejtësisht e pabazuar. Madje edhe e dëmshme për klubin dhe lojtarin e tij. Milan vazhdon, në fakt, dialogun me Leaon dhe stafin e tij në një atmosferë të qetë dhe profesionale". Në këtë pikë fërkimet dhe keqkuptimet mohohen, por vështirësitë janë të dukshme. Kështu që një marrëveshje nuk duket aktualisht në horizont.
Lexo më tej: Rafael Leao në dalje nga Milan, thyhen raportet me Maldini: pengesë e pakapërcyeshme klauzola e lirimit
LEAO ME DY MENAXHERË
Një operacion që është bërë edhe më i komplikuar nga një fakt. Që nga marsi i kaluar Leao ka qenë i lidhur me avokatin francez Ted Dimvula. Por ai nuk e ka ndërprerë marrëdhënien me mbretin e menaxherëve Jorge Mendes. Ndërsa i pari vazhdon diskutimet me Milanin, ky i fundit ka në mendje një tjetër të ardhme për klientin e tij. Menaxheri i fuqishëm portugez, në fakt, mbetet skeptik për rinovimin me kuqezinjtë. Kjo referuar si për ambiciet e klubit, aktualisht në krizë të zezë, ashtu edhe për kërkesat ekonomike ende të paplotësuara. Sepse përveç një përmirësimi të pagës (nga 1.5 në 6 milionë), menaxherët e Leao presin që Milan të paguajë të paktën një pjesë të gjobës prej 18 milionë euro. Gjë që Chelsea është vënë në dispozicion për ta bërë prej disa javësh. Dhe është pikërisht kjo zgjidhja e preferuar e Mendes.
