Aksi i nxehtë mes Barcelonës dhe Interit. Pas thashethemeve për një shkëmbim të mundshëm mes Marcelo Brozovic dhe Franck Kessie, një tjetër negociatë ka nisur mes dy klubeve. Nga Spanja, gazetari Gerard Romero flet për një marrëveshje të avancuar për të sjellë Memphis Depay në Milano. Në të njëjtën kohë Joaquin Correa është i destinuar të marrë rrugën e kundërt për të veshur fanellën blaugrana. Një lloj shkëmbimi duke qenë se holandezi shkon në skadencë në qershor me katalanasit. Ndërsa argjentinasi ka kontratë deri në vitin 2025 me zikaltrit.
Të dy klubet e kanë gjetur formulën, por për tymin e bardhë duket se mungon vetëm aprovimi i Depay. Holandezi është fitues i freskët i Superkupës së Spanjës. Pavarësisht një Botërori të mirë, sulmuesi është gjithmonë në fund të projektit të Xavi. Depay ka 6 muaj që po bën gati valixhet dhe duket se ka ardhur vërtetë koha. Që në verë, në fakt, ai kishte kërkuar një akomodim të ri për të luajtur me vazhdimësi dhe Juventus e kishte marrë në konsideratë marrëveshjen. Më pas bardhezinjtë hoqën dorë për shkak të kërkesave ekonomike të Barcelonës dhe lojtarit. Tani, gjashtë muaj më vonë, Memphis (ky është emri në fanellë) mund të zbarkojë në Serie A.
Lexo më tej: Lautaro zhyt Veronën: Inter nuk shkëlqen, por arrin Juventus në vendin e tretë
AS: XAVI THOTË JO
Përditësime të reja mbi idenë e shkëmbimit Depay-Correa, në fakt, nuk sjellin asgjë të mirë për Inter. Sipas Javi Miguel, gazetar i AS, Xavi ka vendosur veton duke thënë jo. Ndaj është ky vendim i trajnerit të katalanasve që bllokon sulmuesin holandez.
