Rusia mund të jetë duke u përgatitur që të përdorë armë kimike ose biologjike në Ukrainë. Ky është paralajmërimi që ka bërë Shtëpia e Bardhë.
Zëdhënësja për shtyp e Shtëpisë së Bardhë Jen Psaki i bëri deklaratat në përgjigje të pretendimeve të Rusisë se në Ukrainë janë gjetur laboratorë të prodhimit të armëve biologjike apo kimike me ndihmën e SHBA-ve.
Psaki e quajti pretendimin e Rusisë “të marrë” ndërsa shtoi se mund të ishte pjesë e përpjekjeve të Moskës për të justifikuar paraprakisht përdorimin nga ana e saj të armëve të tilla të shkatërrimit në masë kundër Ukrainës.
