Bjellorusia raporton rastin e parë me Covid-19 në strehimoren e migrantëve në kufi me Poloninë.
Bjellorusia ka raportuar rastin e parë të Covid-19 në qendrën e strehimit të emigrantëve pranë kufirit polak të enjten.
Sipas agjencisë shtetërore të lajmeve të Bjellorusisë, Belta, një person u infektua me virusin në një objekt magazinimi të një kompanie logjistike që është shndërruar në një kamp migrantësh, shkruan Telegrafi.
Rreth 1000 njerëz kanë fjetur në dyshemenë e strehës në një hapësirë shumë të kufizuar gjatë dy netëve të fundit. Një qendër vaksinimi do të hapet tani në objektin e magazinimit dhe do të administrohet me vaksina kineze Sinopharm, thanë autoritetet bjelloruse.
Kryeministri polak Mateusz Morawiecki e përshkroi situatën si të qëndrueshme me një rrezik në rritje. Rreth 900 emigrantë kanë kaluar natën nga e mërkura deri të enjten jashtë për të 11-ën ditë radhazi pavarësisht temperaturave të ulëta.
