Ministri i Jashtëm turk Mevlüt Çavuşololulu foli për plane “tinzare” kundër Turqisë në Mesdheun Lindor. “Në Mesdhe ne punojmë dhe përpiqemi për një paqe të qëndrueshme dhe nuk ndalemi së mbrojturi të drejtat tona. Ne i prishëm planet e tyre tinëzare dhe do të vazhdojmë t’i prishim. Nëse është e nevojshme, e bëjmë në tryezën e konsultimit, por nëse është e nevojshme në terren. Ne jemi të aftë për gjithçka”, tha ministri i Jashtëm turk në fjalimin e tij në Antalia.
Në Ankara ka shqetësim të veçantë për organizimin e konferencës për Libinë, e cila do të zhvillohet në Paris me pjesëmarrjen e Greqisë dhe Republikës së Qipros. Ankaraja e sheh veten si një faktor kyç në përcaktimin e zhvillimeve në Libi, pasi ka forca ushtarake dhe ka mbështetur qeverinë e Tripolit.
Një çështje shtesë, të cilën ata po e vëzhgojnë me shumë vëmendje, është prania e SHBA-së në Traki. Stërvitja e përbashkët ushtarake dhe transferimi i afërt në shkallë të gjerë i trupave amerikane në portin e Aleksandropolisit po shkaktojnë interes të përditshëm në mediat turke, të cilat flasin për “lojëra të çuditshme mes Athinës dhe Uashingtonit” në rajon.
