Ministri i jashtëm gjerman Heiko Maas ka kërkuar që të hiqet e drejta e vetos nga Bashkimi Europian për çështje që i takojnë politikës së jashtme. Sipas Maas, 27 vendet e Unionit nuk mund ta mbajnë peng progresin.
"Nëse nuk e heqim veton, herët ose vonë ne do të rrezikojmë kohezionin e Europës. Veto duhet të hiqet, edhe nëse kjo do të thotë që për disa çështje që Gjermania i mendon ndryshe nga BE, asaj do t’i duhet të bëjë kompromis”, tha Maas përpara një konference ambasadorësh në Berlin.
Kjo deklaratë erdhi pas bllokadës së dytë që Hungaria bëri kundrejt një qëndrimi të BE përballë një ligji të ri sigurie që Kina vendosi në Hong Kong. Kjo është hera e dytë që Hungaria minon deklaratat e Bashkimit Europian, mbas një ngjarje të ngjashme me incidentin në Lindjen e Mesme.
Megjithatë, në rast se do të hiqet vetoja për çështjet e politikës së jashtme, ky është një lajm shumë i mirë për Shqipërinë dhe Maqedoninë e Veriut. Kjo pasi, Sofia zyrtare nuk do të mund të bllokojë më integrimin e dy vendeve me veton e saj kundër RMV-së.
