Protestuesit kanë nisur revoltën e tyre para Kuvendit diten e sotme. Një pjesë e deputetëve të PS ishin futur në sallë më herët, por kalimi i disa ligjvënësve të tjerë socialistë bëri që qytetarët të nisin sulmet me vezë. Ata qëlluan me vezë dhe miell automjetin e kryetarit të Kuvendit, Niko Peleshi. Ndaj socialistë që do të futeshin në sallë, si Ardit Bido, Ervin Demo apo Blendi Klosi protestuesit që ndodheshin jashtë perimetrit të sigurisë hodhën vezë për t’i sulmuar. Ashpër janë pritur edhe deputetët e opozitës, ndaj të cilëve, teksa kalonin pranë protestuesve dëgjohen thirrjet “opozitë e shitur”.
5 protestues kaluan kordonin e sigurisë, çka bëri që policia të ndërhyrje menjëherë për shoqërimin e tyre. Ndërkohë, zona rreth Kuvendit vazhdon të mbetet e mbushur me forca të shtuara sigurie.
