Tomor Alizoti, kandidati për deputet për Partinë Demokratike në Berat ka bllokuar një furgon të mbushur me ndihma ushqimore të rezervave të shtetit. Ai ka lajmëruar policinë, teksa shprehet se këto ndihma do të shpërndaheshin nga Partia Socialiste tek disa familje në këmbim të votave.
Alizoti bashkë me përfaqësues të tjerë të selisë blu, identifikuan dhe bllokuan mjetin. Ata kanë lajmëruar policinë dhe në vendin e ngjarjes ka mbërritur edhe Drejtori i Policisë së qarkut të Beratit, Neritan Nallbati. Alizoti ka kërkuar shoqërimin e furgonit në polici dhe ruajtjen e provave.
