Në rast se nuk e dinit, Chris Evans tashmë ka tatuazhe gjigante në trup. 39-vjeçari u bë pjesë e një interviste në Zoom me vëllain e tij në "ACE Universe" dhe gjithë vëmendjen e mori një pjesëz e vogël lëkure, ku dukeshin shumë pak tatuazhet e aktorit.
"Mirëmëngjes vetëm për Chris Evans dhe tatuazhet e tij", shkroi dikush në Twitter.
Nga videoja, ku tatuazhet zor se duken, dallohet vetëm një copëz e një prej tatuazheve të tij. Citati i Eckhart Tolle, që thotë:
“Kur humbni kontaktin me qetësinë e brendshme, ju humbni kontaktin me veten. Kur humbni kontaktin me veten, humbni veten.”
Evans ka dhe tatuazhe të tjera, mes tyre një logo të Avengers, që e kanë edhe shumica e pjesës tjetër të kastit, si dhe një dedikim për qenin e tij, Dodger.
