Arjan Muça, prokurorit të cilit sot iu shpërthyer makina me tritol në parkimin e një qendre tregtare në Tiranë ka pasur shumë “çështje të nxehta” në dorë. Ai ka qenë një nga prokurorët e çështjes së “Gërdecit”.
Shumë vite më parë, Muça ka qenë oficer gjyqësor në Prokurorinë e Krimeve të Rëndë në Tiranë, më pas kaloi në prokurorinë e Gjirokastrës, kurse aktualisht ai është komanduar në Tiranë.
Ai është i martuar me gjyqtaren Gentjana Muça. Ajo ka qenë gjyqtare te gjykata administrative e Gjirokastrës ndërsa tani është te gjykata administrative në Tiranë. Nuk dihet se për çfarë arsyesh i është vënë tritoli në makinë, nëse kjo ka lidhje me ndonjë nga çështjet që kanë drejtuar çifti Muça.
Arjan Muça është kryepolici që ka drejtuar operacionin për kapjen e Dritan Dajtit, ngjarje në të cilën mbetën të vrarë katër efektivë policie. Muça njihet si një nga policët që ka pasur një kalvar përplasjeje në gjykatë me Dritan Dajtin, i cili kundërshtonte akuzat e ngritura për të. ©LAPSI.al
