Këngëtarja Rita Ora i ka dhënë fund lidhjes së saj me regjisorin francez Romain Gavras.
Lajmi është bërë i ditur nga zëdhënësia e Romain e cila ka deklaruar se dyshja nuk janë më bashkë duke zbuluar edhe arsyen e ndarjes. “Rita dhe Romain u ndanë muaj më parë për shkak të vështirësive në angazhimet e tyre përkatëse të punës. Ata ende janë miq të ngushtë.” Gjithashtu një burim i afërt këngëtaren është shprehur se ish cifti kishin në plan të fejoheshin, por largësia bëri që romanca e tyre të mos funksiononte. “Rita dhe Romain u përpoqën ta bënin të funksiononte, por ata të dy ranë dakort që nuk duhej të ndodhte.Ishte thjesht e pamundur të mbanin një marrëdhënie ku mezi shiheshin”, tregoi burimi.
