Shtatë viktima nga koronavirusi në Kosovë në 24 orët e fundit. 564 raste të reja me sëmundjen COVID-19 janë verifikuar.
Në 24 orë janë shëruar edhe 380 pacientë, duke e çuar në 61.394 numrin e përgjithshëm të të shëruarve, që nga nisja e pandemisë.
Detaje të tjera:
Që prej 13 marsit, 2020 e deri më 5 mars, 2021, Kosova ka regjistruar 71.908 raste me COVID-19. 1.634 raste kanë përfunduar me fatalitet. Raste aktive janë 8.880.
Kosova është i vetmi vend në Evropë që ende nuk ka siguruar asnjë dozë të vaksinës kundër koronavirusit. Të premten, më 5 mars, kryeministri në detyrë i Kosovës, Avdullah Hoti tha se gjatë këtij muaji pritet arritja e kontingjentit të parë të vaksinave prej 33 mijë dozash nga programi COVAX. Programi i Organizatës Botërore të Shëndetësisë, COVAX, ka për qëllim shpërndarjen e vaksinave në vendet e varfra.
