Edi Rama ftoi inxhinieren e njohur Luljeta Bozo të kandidojë si deputete nën siglën e PS-së në zgjedhjet e 25 prillit. Kjo e fundit pranoi.
Në fjalën e tij sot, kryeministri u shpreh se nuk e kishte menduar se do arrinin ta bindnin inxhinieren, por zbuloi se ‘Po’-ja e saj nuk kishte vonuar shumë.
“E treta e vërteta unë dua të të falënderoj shumë e tani dua ta ndaj e me ata që janë këtu e po na ndjekin që ti u tregove zemërgjerë dhe pasi u mendove, nuk the jo, për të qenë pjesë e skuadrës sonë të 25 prillit, ku me kënaqësinë e nderin më të madh timin e forcës sonë politike ne do kemi poërfaqësues të një shtrese të gjerë shoqërore që janë gjyshërit e gjyshet e një përfaqësues kaq të denjë e vital që ka akoma shumë për të dhënë e që nga maja e eksperiencës së vete dhe integritetit të vet edhe të eksperiencës jo vetëm si inxhiniere por edhe si nënë, gjyshe e stërgjyshe do jesh një ndihmë e madhe për të na tërhequr veshin me kujdes që mos na e shkulësh që ne të mund të jemi gjithmonë të fokusuar.
Kështu që Luljeta është simboli i gjithë asaj përpjekje solidare që u bënë bashkë si asnjë herë më parë e mishërimi i asaj ambicies sime, dhe i dëshirës së madhe që skuadra jonë, përfaqësuesit tanë në parlament të jenë sa më shumë në sinkron me ta e shëmbëlltyra e tyre”, tha Rama.
Sipas kryeministrit, për herë të parë “në këtë histori të gjithë pensionistët do kenë njeriun e tyre aty”.
“Kur kam thënë deputetin që duam do të thotë njerëz të rinj me eksperienca por kam pasur parasysh të kemi gjithë moshat e grupet.
S’kam menduar që do arrinim ta bindnim Luljetën por nuk na e ka bërë poltësisht të vështirë, jam shumë mirënjohës dhe shumë i qetë e lehtësuar i dëshiruar që do të shkojmë para njerëzve e të kem në krah dy simbole të mëdha të këtyre dy goditjeve të mëdha, Najada Comon dhe Luljeta Bozon”, tha Rama.
Ndërsa inxhinierja Bozo tha: Do bëj më të mirën do përpiqem të bëj më të mirën për këtë vendin tonë që e kemi shumë të shtrenjtë por edhe për popullin tonë që ka qenë i vuajtur por do shohë dritë patjetër”.
