Një shqiptar u ekzekutua mbrëmjen e së shtunës përpara shtëpisë së tij në lagjen Rauðagerði në Reykjavík të Islandës. Sipas medieve vendase bëhet fjalë për një person të identifikuar si Armando Beqiri i cili sot më 16 shkurt do të kishte mbushur 33 vjeç.
Viktima jetonte në Islandë prej shumë vitesh dhe bënte punë të ndryshme. Ai la pas gruan islandeze shtatzënë dhe një fëmijë të vogël.
Shqiptari u qëllua me 5-10 plumba. Policia ka arrestuar një person të dyshuar si autor të vrasjes. Ai është një 40-vjeçar nga Lituania.
Ai është nxjerrë para gjykatës e cila ka vendosur të mbahet në paraburgim deri të premten e ardhshme derisa prokuroria të sigurojë prova të besueshme. Mediat shkruajnë se janë arrestuar edhe 3 persona të tjerë, por për ta nuk ka detaje. ©LAPSI.al
