"Kur e shikon kryeministrin të përqafonte një personazh si Erdogani, i cili është një abuzues famëkeq i të drejtave dhe lirive të njeriut, e ke shumë e vëshirë të bësh lidhje me Edi Ramën, artsitin, disidentin e dikurshëm". Ky ka qene reagimi i një kritiku të madh të Berishës, i një altivisti të të drejtave të njeriut, ish sorosisti dhe miku të Ramës, amerikanit, Fred Abrahams, në lidhje të drejtëpërdrejtë në A-Show me gazetarin Adi Krasta.
Abrahams një njohës shumë i mirë i Shqipërisë shprehu zhgënjimin e tij për tramsformimin e politikanit artist që dikur luftonte për të drejtat e njeriut dhe lirinë e fjalës. Si shembull ai mori fillimisht vizitën e Ramës në Turqi dhe marrëdhënien e tij me Erdoganin, një nga shtypësit më të egër të drejtave të njeriut në vendin e tij.
"Unë jam befasuar. Le të mos harrojmë që ky personazh, flas për Ramën, hyri në politikë si një disident, si një aktivist i të drejtave të njeriut në fillim të viteve ‘90 bashkë me shokun e tij Ardian Klosi.
Madje dhe u dhunua brutalisht nga qeveria e parë e Berishës, dhe ishte një person që njihet si një shpirt i lirë dhe që kishte një prespektivë.
Por ta shikoje atë të përqafonte një personazh si Erdogani, i cili është një abuzues famëkeq i të drejtave dhe lirive të njeriut, për mua është shqetësuese, ndërsa për mbrojtësit e lirive në Turqi është një shuplakë.
Kush përfiton nga kjo marrëdhënie, Turqia apo Shqipëria, apo individët të cilët po e drejtojnë këtë marrëdhënie" pyeti Abrahams, i cili ngriti dhe dyshime që lidhen me investimet në Shqipëri nga ana e Erdogan që duhet të hetohen.
©lapsi.al
