Aktorja me famë botërore dhe një ndër femrat më në zë në botën e showbiz-it, Angelina Jolie, nuk është vetëm një vajzë e bukur por ka gjithashtu edhe shumë stil .Për vite me radhë, ajo ka preferuar t’i qëndrojë besnike klasikes duke u shfaqur në publik si një zonjë e vërtetë.Madje edhe në kohë pandemie, Angelina ka ditur si ta shfaqë sërish veten si një zonjë dhe ka gjetur një zgjidhje për të zëvendësuar maskën anti-CovidNë rrugët e Los Angeles, aktorja është fotografuar nga paparacët me një shall mëndafshi si mbulesë fytyre.Nuk e dimë nëse e kishte harruar maskën në shtëpi apo e mbante poshtë shallit, megjithatë fotoja e saj bëri xhiron e rrjetit.
Angelina kishte veshur një pallto të gjatë në ngjyrë të zezë, si dhe çizme lëkure deri tek gjuri, gjithashtu të zeza.
Po ashtu, ajo mbante në krah një çantë të zezë të markës “Valentino”.
Nëse po mendoni të dukeni po kaq bukur kur të dilni nga shtëpia, provoni që mbi maskën të vendosni një shall mëndafshi.
Rikujtojmë se burime për “Us Weekly”, kanë treguar se Jolie do ta lejojë ish-partnerin Brad Pitt të kalojë Krishtlindjet me tre fëmijët, Shiloh dhe binjakët Knox dhe Vivienne.
