Është zhvilluar në Tiranë një tjetër protestë për shkak të vrasjes nga policia të 25-vjeçarit Klodian Rasha. Në tubimin e mbajtur këtë të hënë kishte një numër më të vogël personash, por ndryshe nga ditët e tjera tubimi ka qenë i qetë.
Ai nisi në sheshin Skënderbej dhe më pas turma është zhvendosur përpara ministrisë së Brendshme. Thirrjet më të zakonshme të protestuesve kanë qenë: “Rama ik”, “Poshtë diktatura” apo dhe “Lironi djemtë tanë”.
Protestuesit janë tubuar më pas përpara selisë së kryeministrisë në mënyrë paqësore. Ra në sy se edhe forcat e policisë nuk uj treguan armiqësore ndaj turmës. Pas disa minutash përpara kryeministrisë, protestuesit janë mbledhur sërish para ministrisë së Brendshme dhe më pas janë shpërndarë paqësisht. ©LAPSI.al
