Hashtagu që frymëzoi shumë të rinj të revoltuar që kërkonin drejtësi për 25-vjeçarin që u qëllua për vdekje #unjamklodiani është kthyer në një website në internet. Faqja që mban hashtagun dhe foton e Klodian Rashës ka paralajmëruar protestën e sotme në orën 18. Po ashtu, në të është shënuar kërkesa kryesore “Të ikë e gjithë komanda drejtuese”, duke nisur nga kryeministri Rama, Ardi Veliu, drejtorë të policisë dhe shefi i ‘Shqiponjave’ Krenar Gjokutaj.
Prej 3 ditësh, të rinjtë kanë protestuar në disa qytete të Shqipërisë pas vrasjes së 25-vjeçarit Klodian Rasha. Ata janë përplasur me policinë, që shpesh kanë përdorur shkopa gome, gaz lotsjellës e ujë për të larguar tubuesit.
