Si në krahët e njëri-tjetrit si veçmas Loredana dhe Mozzik kanë patur super sukses dhe kanë thyer gjithnjë rekorde si në Shqipëri dhe Kosovë, ashtu edhe në Gjermani e Zvicër, por jo vetëmSë fundmi, Mozzik ka bërë me dije në Instastory se ka arritur suksesin e radhës në Zvicër, duke hyrë në listën “YouTube Top Artist 2020”, pasi është dëgjuar për 117 javë me radhë.
Ndërkohë, Loredana për këtë vit ajo është shpallur reperja më e dëgjuar në Spotify dhe Youtube në Gjermani! Lori e dha vetë këtë lajm të bukur në llogarinë e saj në Instagram, duke treguar me krenari këtë arritje që do të thotë shumë për karrierën e saj.
Dyshja ka qenë në qendër të vëmendjes kohët e fundit pas konfirmimit të lajmit se janë ribashkuar. E gjitha u pohua në pjesën e parë të dokumentarit të Loredanës, ku shfaqet edhe Mozzik dhe sqaron se ndarja e tyre është hiperbolizuar nga mediat.
Ndërkohë, Loredana po ashtu ka përgatitur një album të ri, me të cilin pritet të bëjë bujë të madhe në dhjetor, të titulluar “Medusa”.
Ajo ka publikuar intron e tij, që duket se është një nga pjesët më të rëndësishme dhe të fuqishme të albumit. Reperja rrëfen në intro se “Medusa” flet për 18 muajt e fundit të jetës së saj dhe gjithë teksti tregon shumë për të, përfshirë edhe raportin me Mozzik.
Edhe Mozzik po punon për një album të ri për të cilin na ka treguar se ka punuar me mund, por ende nuk ka nxjerrë detaje. Në korrik ai solli “Mozzart” një album i cili bëri namin dhe i fali reperit miliona klikime në YouTube, duke e kthyer në artistin më IN të momentit.
