“Teoricienët e konspiracionit” ose fansat e Jennifer Lopez, mendojnë se ajo po planifikon t’i mohojë publikut një martesë gjigante dhe të ekspozuar, dhe do të martohet në fshehtësi të plotë më të fejuarin e saj, Alex Rodriguez.
Sidoqoftë, në një intervistë me Entertainment Tonight, Lopez këmbënguli se një vendim i tillë nuk është si nëpër libra dhe se filmat ku ajo luan (“Marry Me”, “Shotgun Wedding”), janë vetëm rastësi.
Lopez tha se për vite me radhë, njerëzit e kanë ngatërruar jetën e saj profesionale dhe artistike, me atë personale. Ajo rikujton se kur publikoi këngën “El Anillo”, një vit pas fejesës me Rodriguez, i bëri njerëzit të mendojnë se një martesë ishte në horizont, por Lopez thotë se as kjo nuk ishte e qëllimshme. Shkurtimit, kënga thotë: “Kur do më dhurosh një unazë?” “Është për të qeshur se si jeta reflektohet ndonjëherë në gjërat që bëjmë, por në rastin tim ka qenë rastësi dhe aspak e qëllimshme.” Sidoqoftë, ajo tha se në një moment të jetës e saj, e sheh edhe martesën me Alex. Lopez dhe Rodriguez u fejuan në mars të vitit 2019 dhe kishin planifikuar të martoheshin në 2020-ën, por pandemia ndërhyri.
Edhe pse këngëtarja tha se “i është thyer zemra” sepse shtyu një ngjarje kaq të rëndësishme të jetës së saj, ajo thotë se po i mbush ditët duke punuar në filma të rinj, duke nxjerrë në treg linjën e saj të kujdesit ndaj lëkurës, si dhe duke publikuar një album të ri.
