Vetëvrasja e radhës tek spitali “Shefqet Ndroqi” e ka shndërruar vetëflijimin e pacientëve në një fenomen. Ky ishte rasti i katërt në këtë spital dhe asnjë masë nuk është marrë nga autoritetet për t'i penguar në një mënyrë apo tjetër vetëvrasjet. Por kur pritej që Ministrja e Shëndetësisë Ogerta Manastirliu të mbajë përgjegjësi, si njeriu që është në krye të piramidës së menaxhimit të pandemisë, kjo ka pasur një reagim cinik. Në profilin e saj në Facebook është shpërndarë për ndjekësit një video nga ERTV, ku reklamohen investimet në maternitetin e Lezhës. Video KETU
Manastirliu dhe Rama kanë heshtur për vetëvrasjen e radhës tek Shfqet Ndroqi pavarësisht se tashmë ky është kthyer në një fenomen, pasi katër të shtruar janë hedhur nga godina e këtij spitali dhe një tjetër nga godina e infektivit. Në vend të kësaj, e kanë parë të arsyeshme të nxjerrin nga arkivat e ERTV videon e radhës me sukseset e qeverisë.
