Kryedemokrati Lulzim Basha ka vizituar një biznes të vogël në Tiranë dhe ka dëgjuar disa nga problematikat kryesore. Në një postim në rrjetin e tij social, Basha shkruan se si biznesi i vogël por edhe ai i mesëm kanë nevojë për një shpresë të re, për një qeveri që i ndihmon.
“Me pak xhiro dhe me punonjës që janë detyruar të largohen nga puna, për fat të keq kjo është situata në pjesën më të madhe të bizneseve të vogla në Shqipëri. Biznesi i vogël dhe i mesëm ka nevojë për një shpresë të re. Për një qeveri që i ndihmon. Një qeveri që kujdeset për ta, mposht sëmundjen dhe ripërtërin ekonominë”, tha Basha.
