Arrestohet një qytetar nga Vlora, pasi u kap duke transportuar 12 shtetas të huaj në afërsi të qytetit të Elbasanit.
Sipas policisë, në pranga ka rënë 33-vjeçari E.Ç, që u arrestua nën akuzën e “Ndihma për kalim të paligjshëm të kufirit”.
"Goditet një tjetër rast i veprimtarisë kriminale në fushën e dhënies ndihmë për kalim të paligjshëm të kufirit, kundrejt fitimit.
Vihet në pranga një 33-vjeçar, pasi u kap në flagrancë duke transportuar 12 shtetas të huaj nga vendet e treta.
E.Ç., 33 vjeç, banues në Vlorë. Arrestim i tij u bë pasi në aksin rrugor Librazhd-Elbasan u kap nga shërbimet e Policisë duke transportuar me mjetin e tij 12 shtetas të huaj.
Materialet hetimore i kaluan Prokurorisë pranë Gjykatës së Shkallës Parë Elbasan, për veprë penale “Ndihma për kalim të paligjshëm të kufirit”", shkruan policia.
