Lideri i Partisë Demokratike, Lulzim Basha ka shkruar në Twitter se kryeministri Edi Rama ka humbur çdo kontroll mbi pandeminë, duke shtuar se Shqipëria ka numrin e testimeve më të ulët në Europë.
Mes të tjerash kryedemokrati akuzoi kryeministrin se pasi shkatërroi ekonominë, tani ai po shkatërron jetën dhe shëndetin e njerëzve.
"Rama ka humbur çdo kontroll mbi pandeminë. Kemi testimet më të ulëta në Europë, numrin më të ulët të mjekëve dhe spitalet në kolaps vetëm sepse ai nuk heq dorë nga vjedhja me inceneratorë e koncesione. Pasi shkatërroi ekonominë tani ai po shkatërron jetën dhe shëndetin e njerëzve", shkruan Basha në Twitter.
