Nuk ka shkuar në parlament Edi Rama të mbrojë votimin që vulos ndryshimet në Kodin Zgjedhor, me gjithw presionin e vazhdueshëm të Bashkimit Europian për të pritur opinionin e komisionit të Venecias. Kryeministri e ka shmangur përgjigjen, pas disa mesazheve që ndalimi i koalicioneve parazgjedhore dhe prishja e konsensusit me opozitën, do të ndikojë drejtpërsëdrejti në vendimin për thirrjen e Konferencës së parë Ndërqeveritare për Negociatat. Në vend të kësaj, ka lënë deputetin Adnor Shameti që e quajti të paargumentuar dhe emocional dekretin e Metës që i ktheu ndryshimet në Kod dhe kërkoi një Opinion nga Komisioni i Venecias.
