Gjyqi ndaj Izet Haxhisë, i cili u dënua në mungesë me 25 vite për vrasjen e Azem Hajdarit,i cili i është nështruar procesi të rigjykimit pas ekstradimit nga Turqia, është shtyrë sërish. Avokati Idajet Beqiri ka kërkuar prova të reja, duke kërkuar dëshmitarë Majlinda Popovic dhe Fatos Klosin. Sipas tij, Azem Hajdari ka përdorur telefonin e Popovic, në 10 ditët e fundit para vrasjes. Ndërsa për Klosin, ai tha se e kërkon si zyrtar të SHISH që ka pasur për detyrë te ruajë Hajdarin.
Gjykata u dha kohe palëve të saktësojnë adresat për dëshmitarët. Vendimi nëse do t’i pranojë ose jo, do të jepet në seancën e radhës, më 2 nëntor.
