Politikani serb Milorad Dodik ka votuar kundër njohjes së Kosovës si e pavarur, në mbledhjen e jashtëzakonshme të presidencës boshnjake. Dy anëtarët e tjerë të këtij institucioni, Zhelko Komshiç dhe Shefik Xhaferoviç, votuan pro. Ky vendim nuk është përfundimtar, pasi u ra dakord që të shkohet në raundin e dytë të votimit, në seancën e ardhshme.
“Kosova është tashmë një realitet. Kosova është një shtet i pavarur dhe të gjithë e dimë këtë”, u shpreh anëtari kroat i presidencës boshnjake Komshiç.
Përpos kësaj, anëtarët e presidencës kanë diskutuar edhe për minishengenin Ballkanik. Dodik kërkoi që Bosnja t’i bashkohet nismës rajonale, por dy anëtarët e tjerë refuzuan. Në mbledhje nuk u miratua as kërkesa tjetër e politikanit serb për të transferuar ambasadën e Bosnjes në Izrael nga Tel Avivi në Jerusalem.
