Kryeministri Edi Rama po nxjerr në ERTV edhe aktivitete të tij që ndoshta nuk është e nevojshme të transmetohen fillim mbarim për publikun. Të tilla janë vizitat në familjet e viktimave të tërmetit të 26 nëntorit.
Rama i përdor për propagandën e tij, por në anën tjetër ato shpesh zbulojnë të vërteta të dhimbshme të realitetit jashtë ERTV-së. E tillë ishte vizita pasditen e së martës në familjen e Saimir Grekut që është strehuar në një nga banesat sociale në Shkozë. Në shtepi ishte Dorjan Greku, vëllai i viktimës i cili u pyet nga kryeministri Rama se ku punon, por përgjigja e tij e stepi kryeqeveritarin.
"Jam pa punë!" - tha i riu.
“Gjejini një punë djalit”– iu drejtua Rama shoqëruesve të tij. Nuk mungoi sqarimi i kryebashkiakut Veliaj që nxiroi të shpjegonte se Doriani prej pak kohësh ishte kthyer nga Franca. A thua se atje i riu kishte shkuar për turizëm dhe jo nga varfëria dhe papunesia ne vendin tonë. ©LAPSI.al
[video width="640" height="352" mp4="https://cdnimpuls.com/lapsi.al/wp-content/uploads/2019/12/WhatsApp-Video-2019-12-10-at-21.46.01-1.mp4"][/video]
