Shqipëria gjendet në një situatë alarmante për shkak të tërmetit që preku vendin dhe paniku nga lëkundjet që nuk po ndalen. Ajo që lëndon më shumë janë disa politikanë që në këtë situatë kërkojnë të përfitojnë sa më shumë politikisht. Nuk mungojnë fytyrat e tyre 24 orë në ekran për të treguar se janë pranë njerëzve që kanë vërtet nevojë.
Dhe sigurisht që nuk mund të mungonte kryetari i Bashkisë së Tiranës Erion Veliaj. Për të treguar se bashkia është maksimalisht e angazhuar për të ndihmuar zonat e prekura, Veliaj ka postuar disa foto të shpërndarjes së ndihmave. Por ka dështuar paq. Janë të njëjtat foto që “Lali” ka publikuar edhe në tërmetin e 1 qershorit për tërmetin në Korçë, por edhe në rastin e tërmetit të 21 shtatorit. Të paktën të kishte ndërruar fotot. ©LAPSI.al
