Lapsi.al ka siguruar foton e 34-vjeçarit Eri Zefi, i cili u gjet i vrarë pasditen e djeshme në fshatin Zall Xhuxhë të Fanit, në Mirditë.
Mësohet se viktima njihej edhe nëpërmjet një emri të dytë: Anton Zefi. Sipas informacioneve të komunikuara nga Policia, Zefi është marrë peng para se të vritej dhe është ekzekutuar në Rrugën e Kombit. Më pas, trupi i tij është hedhur në një kanal të fshatit mirditor, ku u gjet nga banorët e zonës.
Pista e parë që prin hetimet është ajo e hakmarrjes, pasi vëllai i viktimës, Ndue Zefi, ka vrarë mëngjesin e 24 shkurtit në qytetin e Durrësit, fqinjin e tij, Martin Ndrecën, pasi ky i fundit i kishte ofenduar familjarët.
Ndërkohë, burime nga Policia bëjnë me dije se janë shoqëruar disa persona për t’u marrë në pyetje në lidhje me ngjarjen.
