Pas vendimit të Kolegjit Zgjedhor për rrëzimin e kërkesës së Partisë së Unitetit Kombëtar, duke lënë në fuqi 30 qershorin si datë për mbajtjen e zgjedhjeve vendore, Presidenca ka njoftuar se mengjesin e nesërm do të zhvillohet një konferencë për mediat.
Sipas burimeve, konferenca do të mbahet në orën 08:00 dhe tema e saj qendrore do të jetë vendimi i sotëm i Kolegjit, si edhe kriza e thellë politike në vend.
Referuar vendimit të Kolegjit, reagoi më herët zëdhënësi i presidentit të Republikës Ilir Meta, Tedi Blushi, i cili e cilësoi si një “skeç të orkestruar kohë më parë”.
Kolegji Zgjedhor shpalli sot verdiktin në lidhje me kërkesën e PUK-së për çregjistrimin nga zgjedhjet lokale, që u hodh poshtë duke lënë kështu në fuqi vendimin e Komisionit Qendror të Zgjedhjeve.
