Është shoqëruar në Komisariatin e Policisë kryetari i Partisë Demokratike në Sarandë, Hariz Mema.
Kryetari i Partisë Demokratike i degës së Sarandës, Hariz Mema, është shoqëruar në Komisariatin e Policisë, lidhur me protestën e organizuar ditën e shtunë, teksa kryeministri Edi Rama kishte mbërritur për të zhvilluar një takim elektoral.
Mësohet se Memës i është komunikuar në Polici se do tq ndiqet penalisht për organizimin e një tubimi të paligjshëm.Të shtunën pasdite, me dhjetra qytetarë e mbështetës të PD-së, u ngritën në protestë kundër kryeministrit Rama.
Gjatë protestës, u shënuan përplasje mes protestuesve dhe forcave policore. Protestuesit u mblodhën tek rruga e Flamurit, rreth 200 metra larg podiumit ku kreu i qeverisë mbajti ligjëratën e tij.
Mes protestuesve kanë qenë të pranishëm edhe ish-deputeti, Fatbardh Kadilli dhe ish-deputetja , Nada Mecorrapaj.
