Në tryezën e organizuar nga kryetari i PD-së Lulzim Basha në bashkëpunim me Aleancën për Mbrojtjen e Teatrit, ishte i pranishëm dhe profesor Edmond Tupe, i cili u shpreh se diktatorët kanë frikë nga teatri kur ai nuk i shërben interesave të tyre, duke iu referuar kështu kryeministrit Edi Rama.
“Qeveria aktuale, në personin e kryeministrit ka frikë nga teatri. Gjithë diktatorët kanë frikë nga teatri, kur ai nuk u shërben interesave të tyre. Sepse në teatër që në kohën e Aristotelit në teatër bëjmë katarsis.Spektatori bën katarsisin, pra zhvishet për të bërë katarsisin sepse nuk mund të shkosh i blinduar dhe të zhvishesh do të thotë ta shikosh veten lakuriq. Të shohësh veten lakuriq në kuptimin e figurshëm do të thotë të kuptosh sa vlen. Dhe kur ti e kupton që nuk vlen ti e urren vetveten. Kjo është për z. Rama" u shpreh Tupja.
