Policia e Lezhës ka bërë të ditur se ka arrestuar autorët e dyshuar të vrasjes së mbetur në tentativë ndaj Martin Dodës në Shënkoll ditën e mërkurë.
Sipas Policisë Vendore u arrestua Petrit Lleshi, 33 vjeç, banues në Tale - Lezhë dhe Dritan Ndoj alias Zef Boci, 39 vjeç, banues në Ishull Shëngjin - Lezhë.
Lleshi ishte arrestuar edhe më datë 18 Gusht 2018, sepse gjatë kontrollit të ushtruar iu gjetën disa bimë kanabis sattiva, por në datën 22 Gusht 2018, Gjykata e Shkallës së Parë Lezhë caktoi për masën e sigurisë "Detyrim paraqitje".
Këta persona, në bashkëpunim me njëri-tjetrin, dyshohen si autorët të vrasjes së mbetur në tentativë. Nuk dihen motivet e ngjarjes.
