Policia arrestoi dy persona që transportonin gjysëm kilogram heroinë. Të dy udhëtonin nga Qafë-Thana drejt Elbasanit ku synon shitjen e heroinës në doza të vogla. Njëri prej të arrestuarve quhet Arjan Çani, 49 vjeç nga Berati ndërsa tjetri Arshim Pilinçi nga fshati Podgorie i Pogradecit.
Transporti i drogës bëhej në bashkëpunim. Njëri prej të arrestuarve ecte para me makinë për të kontrolluar rrugën, kurse tjetri udhëtonte disa kilometra më pas me heroinën. Të dy janë arrestuar pasi policia kishte informacion paraprak për drogën.
