Lulzim Hamitaj, anëtari i KPK-së që ka marrë pjesë në procesin e vetingut të disa gjyqtarëve dhe prokurorëve dyshohet se ka falsifikuar dokumentat e gjuhës angleze për t'u bërë pjesë e procesit të vetingut. Denoncimi u bë nga Enkelejd Alibeaj gjatë një konference nga selia e PD-së, sipas të cilit Hamitaj në 2015 deklaronte se njohuritë e tij në anglisht ishin minimale, pastaj në 2016 u pajis me një certifikatë, sipas të cilës përfitoi njohuritë maksimale të gjuhës angleze.
PD publikoi të dhëna se në datën kur ishte dhënë provimi, Lulzim Hamitaj nuk ishte farë në Shqipëra, ndërsa shkolla që kishte dhënë çeritfikata të ngjashme ishte mbyllur pas një investigimi të Fiks Fare që kishte zbuluar falsifikimet me vërtetimet për njohuritë në gjuhën angleze.
