Sipas sinoptikanëve, kjo fundjavë sjell kthjellime në 85% të vendit, ndërsa vranësira lokale zhvillohen kryesisht në Veri - Verilindje ku do të ketë edhe shira të izoluar.
Po kështu fundjava sjellin rritje të temperaturave duke bërë që maksimumi të ngjitet mbi 35°C, mot mëse i përshtatshëm për plazh.
Por, kjo situatë meteorologjike do të shoqërohet me një erë të lehtë nga juglindja dhe veriperëndimi deri 8 m/sek, ndërsa prej mesditës në brigjet e Jonit do të fitojë intensitet deri 14m/sek.
Valëzimi i forcës 3 dhe 4 do të jetë më i theksuar në bregdetin jugor. Ndaj shijoni diellin veror, plazhin por kujdes nga dallgët.
