Chiara Ferragni, është një prej blogereve më të ndjekura në Instagram. Ajo ka 13.4 milionë ndjekës dhe ka një influencë të madhe te të gjithë të apasionuarit pas modës. Përveç stilit të veshjes, ajo dallon edhe për pamjen e ëmbël dhe për fizikun.
Por blogerja ka diçka që nuk e ka pikën e saj të fortë në paraqitje dhe ndjekësit ia vënë gjithmonë në dukje. Janë pikërisht këmbët ato për të cilat komentohet vazhdimisht, por me sa duket, Chiara nuk e ka problem që këmbët e saj nuk janë perfekte. Madje ajo ka publikuar një foto në Instagram duke qeshur dhe ka shkruar: “Fytyra ime kur njerëzit komentojnë për këmbët e mia.”Me këtë ka dashur të thotë që nuk e ka aspak problem këtë gjë dhe se sa herë lexon apo dëgjon komente për këmbët e saj, ajo qesh. Një mënyrë shumë e mirë për t`iu treguar të gjithëve që nuk e kompleksojnë aspak komente të tilla.
