Punimet në autostradën Tiranë-Durrës do të mbarojnë nesër në orën 14:00.
Njoftimin e dha Autoriteti Rrugor Shqiptar dhe Policia Rrugore, e cila parashikon që punimet e fundit, në aksin Maminas-Sukth-Shkozet, të përfundojnë nesër pas mesdite.
“Pas orës 14:00, kur parashikohet edhe përfundimi i riparimit të atij segmenti, e gjatë gjithë fundjavës aksi Tiranë-Durrës dhe ai anasjelltas do jenë plotësisht të hapur në funksion të lehtësimit të lëvizjes se pushuesve qe zgjedhin plazhet gjate fundjavës.” – thuhet në njoftim.
ARRSH bën me dije se të shtunën do të bëjë me dije edhe për vazhdimin e ndërhyrjes në segmentin Shkozet-Durrës dhe më tej në aksin Durrës-Tiranë.
