Dy të rinj u arrestuan pranë fshatit Kapshticë-Devoll, pasi policia i gjeti 21 kilogramë e 400 gramë kanabis sativa.
Policia njofton se në pranga u vendosën 26-vjeçari Adriatik Rasa nga Lushnja dhe 28-vjeçari Besart Skënderasi nga Korça.
Ata u kapën nga shërbimet policore të patrullës së kufirit të gjelbër në vendin e quajtur "Lugina e vogël".
Kjo sasi droge, sipas policisë, kishte për destinacion Greqinë.
Policia po punon për identifikimin dhe kapjen e bashkëpunëtorëve të tjerë, të dyshuar si të implikuar në këtë ngjarje.
