Ish kryeministri Sali Berisha ka publikuar në media një mesazh të njërit prej negociatorëve për marrëveshjen e detit me Greqinë, që nuk pranon të identifikohet, dëshmi që (nëse është e vërtetë) tregon se negociata me Greqinë nuk ka patur dhe se pala shqiptare i është nënshtruar pa kushte fqinjëve jugorë, duke i falur hapësira detare sipas dëshirës.
Negociatori, që nuk identifikohet, tregon se nuk ka pasur fare negociata, por vetëm një projekt-marrëveshje të propozuar nga Greqia dhe të pranuar pa kushte nga Shqipëria. Kur negociatorët kanë ngritur zërin ata janë kërcënuar në emër të Ditmir Bushatit dhe Edi Ramës, madje edhe me jetën e fëmijëve të tyre, i shkruajnë Berishës, në mesazhin më poshtë:
“Pershendetje zoti Berisha,
Jam anetar grupit negociator per marreveshejen e detit me Greqine. Se pari dua tju informoj se marrveshja e perfunduar eshte marreveshja e shitjes apo faljes se detit. Kjo marreveshje eshte projekti grek per te cilin nuk ka patur asnje negociate sepse pala greke nuk ka pranuar te zhvilloje asnje negociate. Ne takimin e pare pala greke na vuri para faktit te kryer dhe na dorezoi marreveshjen te cilen ajo e quajti te panegociueshme..
Kerkeses time dhe tre anetareve te tjere te grupit per te mos pranuar nje marreveshje te panegociueshme kryetari i grupit Armand Skapi i eshte pergjigjur me kercenime ndaj nesh duke folur ne emer te ministrit dhe vet kryeministrit.Ky njeri se bashku me Meçollarin silleshin sikur perfaqesonin palen greke dhe Shqiperine .Para kesaj situate dhe konstatimit se me kete marreveshje te imponuar nga pala tjeter krahasuar me marreveshjen e meparshme, Greqia fiton se paku 820 km katror det ne raport me Shqiperine dhe te gjithe zonen ekonomike naftmbajtese dhe gazmbajtese te Detit Jon pasi ajo azheron ne dem te zones tone ekonomike ujrat territoriale nga 6 ne 12 mile duke na lene ne reren dhe marre per vete triliona meter kub gaz.
Perveçse pala greke e quajti projektin qe dorezoi te panegociueshem ajo kerkon preras nga ne te mos shqipërojnë kategorikish fjalën ‘Ekiti’ nderkohe qe perdorimi i parimit te ekitise është një nga kërkesat themelore të vendimit te Gjykatës Kushtetuese,madje edhe shkaku me kryesor i rrezimit te marreveshjes tuaj.
Para kesaj situate disa anëtarë të ekipit negociator kanë shprehur mosaprovim të plotë për këtë qëndrim dhe kane informuar me shkrim ministrat e jashtem ,te brendshem,te mbrojtjes dhe vet kryeministrin.
Pergjigja e vetme ka qene kercenimi i hapur nga Skapi ne emer te tyre per largimin nga puna dhe kercenime te tjera prej banditi duke aluduar edhe per jeten tone dhe femijve dhe familje tona
Ne marrëveshjen e panegociueshme te dorëzuar nga pala greke ishull Othon merr fuqi të plotë njelloj si vet ishulli i Korfuzit si për ujërat territoriale ashtu edhe për zonën ekonomike.
Gjithashtu ju njoftoj se programi i blere 180 mije euro per futjen e te dhenave dhe per te bere perllogaritjet nuk esht perdore asnjeher sepse projekti i marrveshjes se pales greke nuk mund te diskutohej.Pavareisht nga te gjitha keto ne na u kerkua nga vet kryeministri Rama qe ne takimin e dyte te cilin pala greke e shpalli te fundit f te dorzonim te firmosur marrveshjen e faljes se detit Greqise.Ju lutem te me ruani anonimatin e kuptoni vet arsyen.”
